Parasiet-n proat.

Vrogger toen-k nog un klein ventje was kreeg ik wel is un snoepie van mien moeder, en doar waj blie-j mee, want ut was ech niet elke dag fees. En ut gebeur-n wel is dat oe ut snoepie onder ut speul-n uut de mond viel….nou dan pakk-n ie um weer op en stak um zo weer in de mond. As-ser un hoop zand an zat dan vèèg-n ie ut af an de broek.

Soms viel dat snoepie op un plaats dat ech niet schoon was, mar dat deern oe niet. Ie woll-n alleen mar de smaak pruuv-n want dat was ut belangriekste, en van viruss-n….doar ha-j nog nooit van e-heurt.

Wie bint groot e-word-n met weinig gerief, mar wie waar-n wel meer bestand teeg-n vatbaarheid. En wie waar-n ok nog schoon ondanks dat alle kinder-n 1x in de wèèke in de teil ging-n met ut zelfde badwater en…. da-j allemoal ut zelfde waslappie gebruuk-n (wie waar-n met 6 kinder-n en ik was de jongste, dus ik ging ok altied as laatste in bad)

Wie kreeg-n veul bacteriën in ons lief, tja…. was dat goed of slech?
Mar die ding-n zôrg-n ok weer veur afweerstoff-n um oe lief weer gezond te houw-n.
Mar a-j dageluks veul water gebruuk um schoon te word-n dan spuul-n ie ok disse bacteriën d`r af, dan krie-j weer minder afweer en…. Doar krie-j weer viruss-n van.

Ut gerief dat noe luxe e-nuump wôd, doar wen ie gauw an.
En wat heb wie ut tog goed. Dit is in disse tied veur kinder-n niet te bevatt-n, mar de vroag is ???? wat is bèèter!
Pas goed op oe zelf, en pas goed op mekaar.

Nb: door "Ferdinand Blom" vertaald in het "Nedersaksisch Dialect".