A-J VAN IEMAND HOUD.

A-j van iemand houd – dan hef alles meer zin,

Zo`n mailtje op oe PC – doar bi-j bes blie mee.

Ut wil zeggn, dat mensn an oe denkn,

En ok un bitje andach an oe schenkn.

Al is ut mar un berichie van niks,

Mar vaak betekent ut meer dan iets.

Soms is ut un reactie op un gedich,

En soms op un leuk berich.

Zie ik un mailtje binn komm,

Dan denk ik hè…. Ze weetn mien toch te woonn.

Ie goat dan snel noar de mailbox toe,

En dan lèès ie gauw van ut wie wat woar en hoe.

Dus hef iemand un leuk berich veur mien,

Wèès er zeker van…. Ut maak mien altied blie.

Mien mailadres is ulle wel bekend,

Ik vind ut leuk a-j af en toe is un berichie zendt.

As senioren heb wie noe wat meer tied,

Um te genietn…. Wereldwied.

### Ferdinand ####