AMBACHT DE BAKKER.

Zelfs nog vlak veur de wo.2 had un gemiddeld arbeidersgezin ut geld niet um oavervloedig te kunnen èètn, en zeker bie grote gezinn met veul kindern  was ut geen vetpot. Natuurlijk kwam dat ok deur de oorlog, mar ok net noa de oorlog in de joarn 50 van de veurige eeuw was ut nog best zuunig bie veul mensn in de knip.

Er was ok nog mar weinig aanbod in de bakkerie, bruunbrood, witbrood, roggebrood, beschuut, en veur de mensn die net iets meer te verteern haddn, die konn dan nog un krentnbrood betaaln.

Bolletjes en puntjes waarn nog mar mondjesmoat te kriegn. Wel was er regeringsbrood, dat was un heul grauw witbrood, en was dan ok goedkoper dan gewoon witbrood, dus de gezinn die wat zuuniger an môssn doen kochn dit regeringsbrood.

De bakker mos vrogger altied vrog zien bed uut, um zo zien brood rond 07.00 uur kloar te hebm veur de verkoop an zien klantn.

Hè was ok altied an ut sjouwm met de 50 kg. mèèlzakkn.

De bakkersknecht ging dan met un transportfiets met zo`n  grote rietn mand veurop gevuld met brood langs zien vaste klantn. Soms mos disse knecht wel un poar kilometer riejn veur un half breudje.

Heul vaak kwam ut veur dat de familie geen geld had op dat moment, en dan wed dat op e-schreevn, en wed dan betoald an ut ende van de wèèk as ut loon weer binn was.

Teegnwoordig hoef de bakker er niet zo vrog meer uut, dat kump umdat hè noe met un remrieskast warkt. De bakker zet ut deeg opgemaakt in de rieskast, en die kast kan hè instelln op un bepoalde tied zodat, as hè uut bed kump de rieskast op de juuste temperatuur kump zodat ut deeg geet riezn. En hè kan de oavn ok instelln dat disse op temperatuur is zodra hè in de bakkerieje kump. Met al disse tiedwins kan hè langer op bed blievn liggn. Wat niet inhoud de bakker maakt lange daagn en veul uurn.  (an ut ende van zien lèèvn, hef he nog sloap tekort).

Mar de bakker van teegnwoordig hef veul  meer broodsoortn in de winkel liggn. De meeste mensn (op enkele gezinn noa) hebbm noe geld um un mooi - goed en smakelijk stuk brood te koopm. Hoeveul soortn brood bint er teegnwoordig wel niet. wit/bruun- volkoorn – tijger – knip/bus – vloer – stok – spelt – chocolade.

Wit/brune puntjes – bolln met allerlei zoadjes – koffiebreudjes – croissants, en goa zo mar deur, dit is nog mar un kleine greep uut ut totale assortiment.

En dan nog mar niet e-proat oaver de feesdaagn – Kars – Poasn en as de winkel op un goed punt steet dan he-j  in de zomer nog de vakantie-gangers die met un goed gevulde knip toch wel vaak een bakkerieje binn loopm veur iets lekkers.

Keuze in oavervloed. Wat heb wie ut tog slech teegnwoordig.

                    

### Ferdinand ####