VEUR VEUL MENS`N UN GENOT IN HUN LÈÈV`N.

  • Men zegt deur ut te doen,, da-j de rugkolom verstarkt.
  • A-j`t plat op de buuk doet,, de bloedsumloop verstarkt.
  • Dat ut op de rug ligg`nd,, aangenoamer is.
  • Ut alleen doen is goed,, mar egoïstisch.
  • Ut in un groep doen,, kan amusant wèèn.
  • In bad is ut goed veur de bloedsumloop.
  • Mar ut is gevoarlijk um ut in de auto te doen.
  • A-j ut vaak doet,, ontwikkeld de verbeelding.
  • Met zien driej`n, dat verriekt de kennismaking.
  • Op de kniej`n,, dan ku-j bèter un kuss`n gebruuk`n.
  • Ie kunt ut doen op de toafel – of op ut buro.
  • Veur of noa ut èèt`n – in bed of in un hangmat.
  • Naakt of gekleed – in ut grès of op un tapijt.
  • Met muziek of in stilte – onder of boov`m de dèèk`ns.
  • A-j d`r van houd dan doei`t altied met plezier.
  • Lèèftied speult geen rol – noch ras, afkomst of geslacht.
  • Want:
  • Lèèz`n is un groot plezier en steeds un groot genot.
  • Tot spiet van die mens`n, die un ander einde verwacht`n.

#### Ferdinand ####

 

 

DE TWEE KANT`N VAN TWINTIG TWINTIG.

Twintig twintig hef mien niks e-brach!

Mien heur ie nooit zegg`n

Da-w saam`m meer kunn`n dan alleen

Want as ik eff`n vedder kiek, ondek ik

Spanning en onrus um mien hen

Elke wèèk vuul`n ik minder

Verbinding met mens`n die mien dierboar bint

Ik vuul`n

Dat ik vervreem`p raak`n van de buut`n wereld

En zeg mien veural niet

“d`r zit iets moois in iedere dag

Want hoej`t ok wendt of keert

Ik heb dit joar stil e-stoan

Ie zult mien nooit meer heur`n zegg`n

Twintig twintig brach mien veul lich puntjes.

 

>>> ( En noe lèès dit gedich van onder noar boav`n, verrassend)

 

#### Ferdinand ####

 

 

DOM GEKLETS….OF HUMOR??

Mien buurman is vrachwaag`nchauffeur, en hee kwam un keer in ut noord`n van ut land langs un plantsoen en doar zag hee 2 mann`n op de kniej`n zitt`n die waar`n grès an`t èèt`n, mien buurman zett`n de waag`n an de kant hee zei teeg`n die mens`n, wat zie ik noe, bint uule grès an`t èèt`n, toen zei die man dat ze geen geld hadd`n mar wel un arge honger, dat kon mien buurman niet oaver ut hart verkrieg`n en zei stap mar achterin ik heb thuus meer dan genog te èèt`n.

Toen zei èèn van die mann`n, ik heb nog un vrouw en 4 kinder`n ik zei meenem`m, die kunt ok achterin, toen zei die andere man ik heb ok un vrouw en 6 kinder`n ik zeg ok meenem`m en ok achterin.

Thuus annekom`m zei èèn van die twee mann`n teeg`n mien dat ze heul dankboar waar`n dat ze allemoal meemocht`n, woarop mien buurman zei,,,, noa,,,, zeg ut noe niet te hard, want ut is ok un bitje in mien eig`n belang, want ik kom noe net terug, want ik ben 3 wèèk`n van huus e-wes anders môt ik vanoavond zelf ut grès mèèj`n.

 

 

#### Ferdinand ####

 

 

OUD EN NIEUW 2020 - 2021

Mien buurman zei “loat`n ze ut allemoal mar bekiek`n”, ik heb mien familie gewoon uut e-neudig um bie ons oud en nieuw te koom`m vier`n.

Tante Malibu en oom Safari, tante Smirnof en oom Jameson met hun tweeling Gin en Tonic.

Mien nèèv`n Daniëls en Jim Beam. Mien nichie Baileys.

Ok mien Franse vriend`n Moët en Chandon zullen van de partij wèèn.

Ok de fam. Jupiler, Palm en Bavaria heb e-zeg van de partij te wèèn.

En doarnoas zeer hoog bezoek……van Hertog Jan.

En ik heb zelf mien advokaat, meester Bols uit e-neudig!

Ik mos alleen wel veul drank in huus haal`n, mar al met al was ut toch un hele mooie en gezellige joarwisseling.

Zoas da-j weet, ik woon hier nogal riant, en ik had gelukkig genog sloapkamers um iedereen te loat`n sloap`m.

Zelfs de volgende dag was ut nog gezellig.

 

#### Ferdinand ####

 

 

Limerick

Couplet = "Laaaa- la-la-la laaaaa”.

 

Un klagende zeur uut Almere,

Zat heul negatief - te blèèr`n.

Ik trek ut niet meer – en toen zei un heer,

Misschien mo-j is duw`m  probeer`n.

Couplet

 

Un slimme kleermaker uut Ass`n,

Maakn  alleen mar winterse jass`n.

En bodywarmers dan – zei zo mar un man,

Oh – doar vûlt wel un mouw an te pass`n.

Couplet

 

Er was is un jonge uut Loen`n,

Die stond met zien meisie te zoen`n.

Toen hee vrog vi-j  ut fien – zei ze nee ut dût pien,

Want ie stoat al un uur op mien schoen`n.

Couplet

 

Un poes met un vlooin theater,

Dronk flessn jenever as water.

Zo zat as un aap – viel zè doar in sloap.

Mar werd wakker met zo`n  grote kater.

Couplet

 

Un schoap in de wei bi-j Kapelle,

Had erge jeuk van t` vervelle.

Ze kwam niet in sloap – en toen is dat schoap,

Mar eindeluk mensies goan tell`n.

Couplet

 

Un bas uut un koor in Viaan`n,

Glee uut oaver un schil van banaan`n.

Hee viel niet op zien gat – mar veuroaver zodat,

Hee noe zinkt - bie de sopraan`n.

Couplet

 

Un slimme jonge uut Sleenaak`n,

Besloot limericks niet af te maak`n.

Dat is niet charmant – mar wel erg irritant.

Couplet

 

#### Ferdinand ####